- Мотивация
- 25 Қараша, 2021
Жоспар
Күнделігіңді ашып, "Жаңа жылға жоспар" деген бетке "өзімді дамыту", "кемелдену" деген жазуды жазбай қоя тұр.
Оның орнына (көңілді жазумен, күлгін түсті қаламды ақ параққа секірте) былай деп жаз!
- Көңіл қалаған кезде күлу.
- Ашуды бойдан өткізу.
- Жоқталмай қалған нәрсені жоқтау.
- Әке-шешеңе барып, оларды көкке шығарып, қыдырту.
- Саябақта серуендеп, табиғаттың тамашасына тамсану.
- Тәтті, бірақ зиянды емес тамақты жеу.
- Айнаға қарап, өзіңе мақтау айту (таразыны төсектің астына тығып тастау).
- Бұрын көңіліңе жақпайтын жанрдағы бірнеше кітапты оқып көру (жай ғана тексеріп көр).
- "Самал желмен жарыстым, тойдым" дегенше велосипед тебу.
- Бір түрлі көрінетін екі-үш адаммен танысу. Олардың әлеміне күпірліксіз қара. Өзің де бірдеңеңмен бөліс.
- Бұрын баруға жүрек дауаламаған жерге бар.
- Көңілің түссе, әрдайым өзіңді қуант. Содан кейін ғана басқа істерді атқар.
- Біреуге көмектес.
- Өзгенің қамқорлығын қабылда.
- Өмірде көп байқалмайтын қуаныштардың тізімін жаса. Соларды қайтадан көріп үйрен.
- Осы жазғандардың ешбірі орындалмаса, өзіңді сөкпе.
- Өзіңе ауырмай тұрып демалуға рұқсат ет.
- Егер кездесу сені қуантпаса, бас тарт.
- Достарыңа олардың дарынды, әдемі, күшті екендерін тек мерекеде емес, көңіл түскен сайын айтып тұр.
- Жаның қалаған кезде жалғыздықпен дос бола біл.
Дегенмен әрдайым есіңде болсын: егер дәл қазір қалағаныңның бәрін жасап жатсаң, сол жеткілікті. Сен мықтысың, қаласаң күнделікке жаз, қаламасаң қырау қатқан терезеге саусақпен жаз. Ең дұрысы - іштей жиі-жиі қайталап тұр.
Аль Снег
Аударған Шынар Әбілда
1376 рет
көрсетілді0
пікір