Тікелей эфир
Тікелей эфир
МАҢЫЗДЫ
  • Шартарап
  • 06 Желтоқсан, 2021

ДДСҰ "омикрон" штамынан өлім жағдайы тіркелмегенін мәлімдеді

Әлемнің бірнеше елінде анықталған жаңа "омикрон" штамынан бірде-бір өлім жағдайы тірелген жоқ, - деп хабарлайды Tengrinews.kz тілшісі Daily Mail басылымына сілтеме жасап.

Дүниежүзілік денсаулық сақтау ұйымының (ДДСҰ) мәліметі бойынша, қазіргі уақытта 38 елде коронавирустың жаңа штамы анықталған, бірақ ұйымға "омикрон" штамынан қайтыс болғандар туралы ешқандай хабарлама келмегені айтылды.

ДДСҰ денсаулық сақтау саласындағы төтенше жағдайлар бағдарламасының директоры Майкл Райан жаңа штамм қаншалықты жұқпалы және оның ауыр ауру тудыру қабілеті қандай екенін зерттеуге тағы бірнеше апта қажет екенін айтты.

Сонымен қатар, вирустың жаңа штамы белсенді тарап жатқанына байланысты ғалымдар "омикрон" алдағы бірнеше ай ішінде Еуропада COVID-19 жағдайларының жартысынан көбін тудыруы мүмкін деп болжайды.

Еске салайық, коронавирустың "омикрон" нұсқасын ДДСҰ сарапшылары "алаңдаушылық тудыратын" санатқа жатқызады, өйткені оның құрамында патогеннің жасушаларды жұқтыруы үшін қажет S-белоктың 32 мутациясы бар.

386 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз