- Шартарап
- 07 Желтоқсан, 2021
Парижде Абай бюсті ашылды
Парижде Қазақстан Тәуелсіздігінің 30 жылдығы қарсаңында Абай бюсті ашылды. Бұл туралы елорда әкімі Алтай Көлгінов өзінің Instagram парақшасында жазды.
"Парижде ақын, композитор, ағартушы Абай Құнанбаевтың бюсті ашылды. Бюст Париждің орталығында ақындар алаңына орнатылды, онда француз жазушысы Виктор Гюго, орыс ақыны, жазушысы Александр Пушкин секілді тұлғалардың мүсіндері бар. Абай Құнанбаевтың мүсіні Тәуелсіздігіміздің 30 жылдығы қарсаңында ашылды. Ұйымдастырушы - ҚР Франциядағы елшілігі, бюст демеушілік қаражат есебінен ашылды", - деп жазды Алтай Көлгінов.
Сурет: altay_kulginov_official
Әкім өз жазбасында Париж қаласының мэрі Анн Идалгомен достық пен ынтымақтастық туралы пактіге қол қойылғаны туралы да айтып өтті.
"Мемлекет басшысының тапсырмасымен қаламыздың экономикасына жеке инвестициялар тарту бойынша жұмыс жүргізіп жатырмыз. Мәселен, Астанада 30-дан аса француз компаниясы жұмыс істейді. Бұл бірлескен жобаларды ашу және жеке инвестицияларды тарту ғана емес, қосымша жұмыс орындарын құруға да байланысты", - деді ол.
Сурет: altay_kulginov_official
843 рет
көрсетілді0
пікір