• Безбен
• 13 Қаңтар, 2022

Қарағанды облысы «қызыл» аймаққа кірді

Эпидемиологиялық жағдайды бағалау матрицасына сәйкес Қарағанды облысы бүгіннен бастап «қызыл» аймаққа ауысты.

Өткен тәулікте Қарағанды облысында COVID-19 жұқтырудың 669 жаңа жағдайы тіркелді, облыс бойынша репродуктивті көрсеткіш күрт өсіп, 2,856 құрады. Эпидемиологиялық ахуал нашарлауда. «Бұл ретте, шектеу шараларын қатаңдату «сары» аймақтан «қызыл» аймаққа өткен соң 5 күннен кейін жүргізіледі, осылайша «сары» аймақтан «қызыл» аймаққа өту осы мерзім өткеннен кейін жүзеге асырылады», - деп мәлімдеді Қарағанды облысының санэпидбақылау департаментінің баспасөз қызметі.