- АҚПАРАТ АҒЫНЫ
- 14 Қаңтар, 2022
Алматы облысында 300 орынға дейінгі мектептер офлайн оқиды
Алматы облысында 17 қаңтардан бастап 300 орынға дейінгі мектептер штаттық режимде жұмыс істейді. Оқушы орны 300-ден жоғары мектептерде оқыту онлайн режимде жүргізіледі, деп хабарлайды Алматы облысы әкімінің баспасөз қызметі.
«Балабақшалар 17 қаңтарға дейін жұмысын уақытша тоқтатты. 17 қаңтардан кейін ата-аналардың өтініші бойынша қызмет көрсетеді. Талдықорған қаласында ірі және шағын сауда орындары мен базарлар, дәріханалар ашық (сағат 09.00-ден 20.00-ге дейін). Азық-түлік, дәрі-дәрмек жеткілікті.
«Жедел жәрдем» қызметі үздіксіз жұмыс істеп тұр. Жанар-жағар май құю бекеттері ашық. Халыққа қызмет көрсету орталықтары жұмысқа кірісті (сағат 9.00-ден 18.00-ге дейін) Екінші деңгейлі банктер іске кірісті.
Банкоматтарда қолма-қол ақша жеткілікті» делінген ведомствоның Фейсбук парақшасында.
233 рет
көрсетілді0
пікір