Тікелей эфир
Тікелей эфир
МАҢЫЗДЫ
  • Таным
  • 14 Қаңтар, 2022

Омикрон штамының ерекшеліктері қандай?

Ресейлік иммунолог Владимир Болибок омикрон штамының ерекше белгілерін атады, - деп хабарлайды Tengrinews.kz тілшісі РИА Новостиге сілтеме жасай отырып.

Оның айтуынша, COVID-19-дың басқа штамдарынан айырмашылығы омикрон жұқтырғандарда кеуде тұсының ауырсынуы сирек кездеседі.

"Бұл плевраға әсер ететін пневмонияға шалдыққандарға тән болды. Омикрон да пневмония туындатуы мүмкін. Адамдар бұл пневмония салдарынан ауыр жағдайда қайтыс болады, бірақ оларда кеуде тұсының ауырсынуы сирек кездеседі", - деді Болибок "Москва 24" телеарнасына берген сұхбатында.

Сонымен қатар, ол омикрон штамына тән белгілерді атады.

"Омикрон штамының белгісі - қатты тамақ ауруы, мұрын бітелуі, құрғақ жөтел. Оған қоса температура көтерілуі, қатты әлсіздік пен бас ауруы қосылады", - деп түсіндірді Болибок.

Сондай-ақ, ол осы штамды жұқтырған кезде иіс сезу қабілеті жоғалуы мүмкін екенін, бірақ бұл симптом адам сауыға бастағанда болатынын айтты.

739 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз