• Фотогалерея
• 13 Сәуір, 2022

Ботаникалық бақта қызғалдақтардың табиғи түрлері бар

Алматыдағы Бас Ботаникалық бақта Ашық жердегі гүлді-сәндік өсімдіктерді интродукциялау зертханасы бар. Дәл қазіргі сәтте осы зертхананың Альпинарий экспозициясында  Қазақстанның Қызыл кітабына енген эндемик түрлер гүлдеуде. Соның бірі қызғалдақтар экспозициясына қарасты.

Ашық жердегі гүлді-сәндік өсімдіктерді интродукциялау зертханасының кураторлары аға ғылыми қызметкер Отрадных Ирина Геннадьевна мен  Съедина Ирина Анатольевна бізге бақта жерсіндіріліп келе жатқан қызғалдақтармен таныстырды.  Оларды көшеттеу, отырғызу жұмыстарын да көрсетті.

Қазіргі уақытта Альпинарий экспозициясында 13 қығалдақ бар, оның 10 түрі сирек кездеседі. Сары гүлді,  орташа пішінді Колпаковский мен Зинаида қызғалдақтары, сондай-ақ үлкен қызыл гүлі мен көкшіл жапырақтары бар, табиғатта жартастар мен тас төбешіктерде өсетін Т.Альберт  қызғалдағы, өте талғампаз және ерекше мінезді Леммерс қызғалдағы осы күндері гүлдеп тұр.  

Табиғатта өсетін түрлердің бақтағы бұл жинағына 10 жыл болған. Қызғалдақтар экспедициялардан әкелініп, тұқымдары мен пияздарынан отырғызылып, әр түрге ерекше жағдай жасалған. Бұл бақтағы осы алаңға жауапты ғылыми қызметкерлердің ерең еңбегі.

Досжан Балабекұлы