Тікелей эфир
Тікелей эфир
МАҢЫЗДЫ
  • Шартарап
  • 13 Мамыр, 2022

«Үлкен жетілік» елдерінің сыртқы істер министрлері кездесті

 «Үлкен жетілік» (G7) елдерінің сыртқы істер министрлері Германияда кездесу өткізіп жатыр.

Бейсенбі күні «Үлкен жетілік» елдерінің сыртқы істер министрлері Ауғанстандағы әйелдер мен қыздардың құқығына қатысты мәлімдеме жасады.

«Біз – Канада, Франция, Германия, Италия, Жапония, Біріккен Корольдіктің және Америка Құрама Штаттарының «Үлкен жетілік» сыртқы істер министрлері, сондай-ақ Еуропалық одақтың Жоғарғы өкілі «Талибан» қозғалысы тарапынан Ауғанстандағы қыздар мен әйелдердің құқығы мен бостандығына қарсы енгізіліп отырған шектеулердің күшеюіне үзілді-кесілді қарсылығымызды және өкінішімізді білдіреміз», - делінген мәлімдемеде.

 

Құжатта атап өтілгендей, «Үлкен жетілік» елдерінің сыртқы саясат ведомстволарының басшылары Ауғанстан халқының өздеріне тең құқықтар беру талабын қолдайды.

«...24 наурызда Норвегиямен бірлесіп жасалған мәлімдемені негізге ала отырып, біз «Талибанды» әйелдер мен қыздарға қойылған шектеулерді алып тастауға, адам құқығын құрметтеуге, олардың еңбекке, білім алуға және қоғамдық өмірге толыққанды, теңқұқылы және мағыналы қатысуын қамтамасыз ету үшін ауғандықтар мен бүкіл әлемнің үмітін ақтауға, сондай-ақ елдегі ұзақмерзімді бейбітшілік, тұрақтылық пен дамуда шешуші мәнге ие – жүріп-тұруға және сөз бостандығына кепілдік беруге шақырамыз», - делінген мәлімдемеде.

238 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *