Тікелей эфир
Тікелей эфир
МАҢЫЗДЫ
  • Айна
  • 13 Мамыр, 2022

Астанада сәбиді құтқаруға қатысқан Сағи Жылқышиевті төсбелгімен марапаттады

ҚР Төтенше жағдайлар министрі астанада терезеден салбырап тұрған сәбиді құтқаруға қатысқан Сағи Жылқышиевті төсбелгімен марапаттады.

Марапаттау рәсімі бүгін Нұр-Сұлтан қалалық Төтенше жағдайлар департаментінде өтті. Сағи Жылқышиев 8-қабаттағы терезеден құлағалы тұрған балдырғанды құтқарған Сәбит Шонтақбаевқа көмек көрсеткен.

С. Жылқышиевке көрсеткен ерлігі үшін ҚР ТЖ министрінің бұйрығымен «Төтенше жағдайдағы ерлігі үшін» төсбелгісі, алғыс хат пен қолсағат тапсырылды.

Еске салайық, 11 мамыр күні Сәбит досымен бірге таңертең жұмысқа бара жатқан кезде, адамдардың шоғырланған тобын және 8-қабат деңгейінде айғайлап тұрған баланы көрген. Олар дереу подъезге жүгіріп кірген. Көршілер арқылы 7-қабатқа көтерілген Сәбит Сағимен бірге құтқару шараларына кіріскен. Себебі әрбір секунд маңызды болды. Сабит терезе арқылы сыртқа шыққан. Ал Сағи бір қолымен досының аяғын, екінші қолымен терезені ұстап тұрды

«Біз айқайларды естіп, ілініп тұрған баланы көрдік. Ойымыз тек баланы құтқару болды, ойланбастан жүгірдік», - деп атап өтті Сағи Жылқышиев.

Екі достың бірлескен күш-жігерімен санаулы минуттарда қыз аман-есен құтқарылды.

141 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *