Тікелей эфир
Тікелей эфир
МАҢЫЗДЫ
  • Шартарап
  • 13 Мамыр, 2022

Пусан қаласында Қазақстанның Бас консулдығы ашылды

Пусан қаласында Қазақстан Республикасының Бас консулдығының салтанатты ашылу рәсімі өтті, деп хабарлайды Сыртқы істер министрлігінің баспасөз қызметі.

Қазақстан Елшісі Бақыт Дүйсенбаев құттықтау сөзінде Бас консулдықтың ашылуына атсалысқаны үшін Корея Республикасының Үкіметіне, Сыртқы істер министрлігіне және Пусан қаласының әкімшілігіне ерекше алғыс білдірді.

Б. Дүйсенбаев Қазақстан Бас консулдығының ашылуы екі елдің арасындағы дипломатиялық қатынастардың орнағанына 30 жыл толуымен тұспа-тұс келген тарихи оқиға екенін атап өтті.

Ашылу салтанатында Пусандағы ҚР Бас консулы Аян Қашабаев сөз сөйлеп, Бас консулдықтың екіжақты ынтымақтастықты жандандыру, сондай-ақ Қазақстан азаматтарының заңды құқықтары мен мүдделерін қорғау үшін барлық күш-жігерін салатынын атап өтті.

Іс-шараға Корея Республикасы Сыртқы істер министрлігінің, Пусан қаласы мэриясының, дипломатиялық корпустың, іскерлік топтардың, жұртшылық пен БАҚ өкілдері қатысты.

Пусан - Оңтүстік Кореяның екінші ірі қаласы және Солтүстік-Шығыс Азиядағы ең үлкен порт және халықаралық қаржы орталығы. Пусан аумағында 51 шетелдік дипломатиялық өкілдіктер ашылды, олардың ішінде 6 консулдық, 5 мәдени орталық, БҰҰ-ның 2 мекемесі, 1 сауда өкілдігі және 37 құрметті консулдықтар бар.

 

 

227 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *