• Айна
• 14 Мамыр, 2022

Түркістан облысында дәрілік шөптерді заңсыз теріп жүргендер ұсталды

Түркістандық полицейлер өңірде заңсыз жұмыс істеп жүрген 130-дан астам шетелдікті анықтады.

Олар Арыс, Сарыағаш және Отырар аудандарының аумағында дәрілік «кеурек» шөбін заңсыз теріп  жүрген жерінен ұсталды.

Арзан жұмыс күші ретінде облысқа келгендер негізінен Өзбекстан мен Тәжікстан азаматтары екен. Көші-қон заңдылығын бұзған жүзден аса мигрантқа әкімшілік шара қолданды.

Емдік қасиеті жоғары өсімдікті жинауға шетелдік жұмысшыларды тартқаны үшін Қазақстанның екі азаматына да хаттама толтырылып, жауапқа тартылды.

24.kz