- Инфографика
- 16 Мамыр, 2022
Демографиялық ахуал: Еліміздегі халық саны 19 178,8 мың адамды құрады
2022 жылғы 1 сәуірге еліміздегі халық саны 19 178,8 мың адамды құрады, оның ішінде қалалықтар – 11 419,8 мың (59,5%), ауылдықтар – 7 759 мың адам (40,5%). 2021 жылғы 1 сәуірмен салыстырғанда халық саны 238,3 мың адамға немесе 1,3% өсті. Бұл туралы kazgazeta.kz Ұлттық статистика агенттігіне сілтеме жасап хабарлайды.
* Халық саны туралы деректер 2021 жылғы Халық санағының деректері толық өңделгеннен кейін қайта саналады.
Халықтың табиғи қозғалысы
2022 жылғы қаңтар-наурызда республика халқының табиғи өсімі 2021 жылғы қаңтар-наурызбен салыстырғанда (64,3 мың адам) 10,6% кеміп, 57,5 мың адамды құрады. Табиғи өсімнің жалпы коэффициенті 1000 адамға шаққанда 12,13 адамды құрады.
АХАТ органдары ұсынған азаматтық хал актілері жазбаларындағы мәліметтерді өңдеу нәтижесінде, 2022 жылғы қаңтар-наурызда туылғандар саны 95,6 мың адамды құрады, бұл 2021 жылғы қаңтар-наурызға (100,5 мың адам) қарағанда 4,8% аз. Туудың жалпы коэффициенті 1000 адамға 20,16 туылғандарды құрады.
Қарастырылып отырған кезеңде қайтыс болғандар саны 38,1 мың адамды құрады, бұл 2021 жылғы қаңтар-наурызға (36,1 мың адам) қарағанда 5,4% көп. Өлім-жітімнің жалпы коэффициенті 1000 адамға 8,03 қайтыс болғандарды құрады.
2022 жылғы қаңтар-наурызда республикада 1 жасқа дейін шетінеген 828 нәресте тіркелді. 2021 жылғы тиісті кезеңмен салыстырғанда (815 шетінеген нәресте) 1,6% артты. Нәресте өлім-жітімінің коэффициенті 1000 туғанға шаққанда 8,66 оқиғаны құрады.
Халықтың көші-қоны
Көші-қон қызметі органдары ұсынған мәліметтерді өңдеу нәтижесінде, 2022 жылғы қаңтар-наурызда елімізге тұрғылықты тұруға келгендердің тіркелу саны 4 108 адамды, елімізден кеткендердің саны 5 281 адамды, көші-қонның айырымы – 1 173 адамды құрады.
Еліміздегі негізгі көші-қон алмасуы ТМД мемлекеттерімен өтуде. ТМД елдерінен келгендердің және сол елдерге кеткендердің көшіп-қонушылардың жалпы санынан үлесі 86% және 80,8% құрады.
Ел ішінде қоныс аударатын көшіп-қонушылар саны 12,6%-ға кеміді. Өңіраралық қоныс аудару бойынша халық көші-қонының оң айырымы еліміздің 3 өңірінде байқалды: Нұр-Сұлтан (7 523 адам), Алматы (8 278 адам) және Шымкент (866 адам) қалаларында.
1711 рет
көрсетілді0
пікір