Тікелей эфир
Тікелей эфир
МАҢЫЗДЫ
  • Аймақ тынысы
  • 22 Маусым, 2022

Атырау облысы Жылыой ауданының әкімі тағайындалды

Бүгін Атырау облысының әкімі Серік Шәпкенов Жылыой мәслихатының депутаттарына Президент Әкімшілігімен келісілген жаңа әкімнің кандидатурасын ұсынды, деп хабарлайды ҚазАқпарат.

Аудандық мәслихат депутаттары Жұмабек Қаражановтың кандидатурасына бірауыздан қолдау білдірді.


Жұмабек Қаражанов Қазақстан-Британ техникалық университетін, Қазақстан Республикасы Президентінің жанындағы Мемлекеттік басқару академиясын «Экономика және бизнес» мамандығы бойынша бітірген. Экономика және бизнес магистрі дәрежесі және мемлекеттік аудитор сертификаты бар.

2011-2012 жылдары «Жасұлан және Компания» ЖШС-де экономист болып жұмыс істеді.

2012-2014 жылдары «Атырау облысы бойынша тексеру комиссиясы» ММ әртүрлі лауазымдарында жұмыс істеді.

2014-2017 жылдары «Атырау облысы бойынша тексеру комиссиясы» ММ мемлекет бюджеттері мен активтерін бақылау № 3 бөлімінің басшысы болып жұмыс істеді.

2017-2018 жылдары «Атырау облысы бойынша тексеру комиссиясы» ММ  сапаны бақылау, ішкі аудит, ұйымдастыру-құқықтық қамтамасыз ету және персоналды басқару қызметі бөлімінің басшысы.

2018-2019 жылдары «Атырау облысы бойынша тексеру комиссиясы» ММ аппаратының басшысы.

2019 жылдың ақпан айынан бастап бүгінге дейін Атырау қаласы әкімінің орынбасары қызметін атқарды.

Депутаттар облыс әкімі ұсынған кандидатураны қолдады.

Аймақ басшысы Серік Шәпкенов Жұмабек Қаражановқа ауданның әлеуметтік-экономикалық дамуына қатысты бірқатар нақты тапсырма берді.

500 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз