Тікелей эфир
Тікелей эфир
МАҢЫЗДЫ
  • АҚПАРАТ АҒЫНЫ
  • 16 Тамыз, 2022

Министр дизель отынының лимиттерін атап өтті

 ҚР Энергетика министрі Болат Ақшолақов күзгі егіс жұмыстары кезінде дизель отынының бағасы қалай сараланатынын айтты.

«Энергетика министрлігі транзиттік көлік үшін және шекара периметрі бойынша дизельдік отынға сараланған баға белгілейтін бұйрық жобасын әзірледі. Бағалар тұрғылықты жеріне, тұтыну көлеміне және көлік түріне қарай сараланады. Бұйрық жобасы бойынша біздің азаматтарымыз үшін жүргізуші куәлігі болған жағдайда лимит – 100 литр дизель отыны үшін қазіргі бағамен 230-260 теңге. Сондай-ақ, жүк көлігі үшін егер жүргізуші куәлігі және көліктің Қазақстан аумағында тіркелгенін растайтын тіркеу куәлігі мен құжаттар бар болса, қазіргі лимит – 300 литр болады», - деді министр Үкімет отырысында.

Сондай-ақ, ол қалған адамдарға дизель бағасы қымбат болатынын жеткізді.

«Қалған адамдар тобына және көрсетілген көлемдерден артық дизель үшін 1 литр отын бағасы 450 теңгеден сатылады. Бұйрық жобасы 18 тамызға дейін «Ашық НҚА» сайтына онлайн талқылау үшін орналастырылды», - деді ведомство басшысы.

Премьер-Министр Әлихан Смайылов аталған бұйрық жобасын тезірек пысықтап, 20 қыркүйектен бастап қолданысқа енгізуді тапсырды.

Фото:primeminister.kz

199 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *