Тікелей эфир
Тікелей эфир
МАҢЫЗДЫ
  • Безбен
  • 16 Тамыз, 2022

Шілдеде тұтыну бағасының индексі 111,7 пайызды құрады

2022 жылғы шілдеде тұтыну бағасының индексі 111,7 пайызды құрады. Бұл жайында Ұлттық статистика бюросынан мәлім етті.

«2022 жылғы шілдеде 2021 жылғы желтоқсанмен салыстырғанда тұтыну бағасының индексі 111,7 пайызды құрады. Азық-түліктік тауарларға бағалар – 16,9, азық-түліктік емес тауарларға – 10, халыққа арналған ақылы көрсетілетін қызметтерге 6,2 пайыз өсті. Өнеркәсіп өнімдеріне өндіруші кәсіпорындар бағасы 2022 жылғы шілдеде 2021 жылғы желтоқсанмен салыстырғанда 18,5 пайыз артты», - делінген бюро ақпаратында.

Ведомствоның мәліметінше, 2022 жылғы шілдеде бағаның өсуі басты пиязға - 9,8, қантқа – 6,1, күрішке – 4,4, жармаларға – 4,1, ұнға, минералды және ауыз суға – 3,5, консервіленген сүтке – 3,3, макарон өнімдеріне – 3,1, тоқаш және ұн өнімдеріне – 2,8, жұмыртқаға, жеміс және көкөніс шырындарына – 2,4, кондитерлік өнімдерге, жылқы етіне – 2,2, құс етіне 2,1 пайыз болған. Ал картоп - 7,5, жаңадан жиналған жемістер – 6, жаңа жиналған көкөністер 5,2 пайыз арзандаған.

112 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *