• Шартарап
• 30 Қаңтар, 2023

Мұхтар Тілеуберді Оман Сұлтандығының Астанадағы Елшісін қабылдады

Қазақстан Республикасы Премьер-Министрінің орынбасары – Сыртқы істер министрі Мұхтар Тілеуберді Оман Сұлтандығының Астанадағы Елшісі Мұхаммед Әл Бахраниді қабылдады, - деп хабарлайды СІМ баспасөз қызметі.

Тараптар саяси, сауда-экономикалық және логистикалық салалардағы екіжақты қатынастардың өзекті мәселелерін, сондай-ақ Министрдің Маскатқа алдағы сапарын талқылады.

М. Тілеуберді «Орталық Азия – Парсы шығанағындағы араб мемлекеттерінің ынтымақтастығы кеңесі» ынтымақтастығының диалогтық форматы шеңберінде өзара іс-қимылды дамытудың маңыздылығын атап өтті.