Тікелей эфир
Тікелей эфир
МАҢЫЗДЫ
  • АҚПАРАТ АҒЫНЫ
  • 18 Қыркүйек, 2023

«Бірден хабарлайды»: ІІМ полицияға пара ұсынатындарға мәлімдеме жасады

Ішкі істер министрлігі қазақстандықтарға ескерту жасап, полицейлерге пара ұсынбауға шақырды деп хабарлайды Kazgazeta.kz.

Бүгінде тәртіп сақшылары жасырын тексерістердің жүріп жатқанын біліп, бірден өзіндік қауіпсіздік қызметіне хабарлайды.

Жыл басынан бері пилоттық жоба аясында мыңдаған полицей тексерілген. Бір басшы жұмыстан босатылып, ондаған қызметкер қатаң сөгіс алып отыр.

Қазіргі кезде тәртіп сақшылары жасырын тексерістің жүріп жатқанын біледі. Оған қоса, электронды жетонды бұрынғыдай сөндіруге рұқсат жоқ. Оларды онлайн режимде бақылап отырады.

Өзіндік қауіпсіздік департаментінің басқарма бастығы Әділғожа Құсайыновтың айтуынша, бүгінде полицейлер параны ұсынып жатқанын бірден хабарлайды.

"Құрметті азаматтар! Сіздерге өтініш жасағым келеді. Біздің қызметкерлер оларды адалдыққа тексеріп жатқанын біледі. Сондықтан барлық сыбайлас жемқорлық құқық бұзушылықтары туралы олар өзіндік қауіпсіздік қызметіне тез арада хабарлайды. Өкінішке қарай, көбінесе парақорлыққа бастамашылықты адамдардың, әсіресе көлік жүргізушілерінің өздері жасайды, олар осындай жолмен заңмен белгіленген жауапкершіліктен құтылуға тырысады", - деді Құсайынов бүгінгі онлайн брифингте.

Осы орайда басқарма бастығы полицейлерге пара ұсынғаны үшін Қылмыстық кодекстің 367-бабы бойынша қылмыстық жазаның бар екенін еске салды. Осы баптың санкциясымен айыппұл немесе бес жылға дейін бас бостандығынан айыру жазасы қарастырылған.

Ресми мәліметке сәйкес, өткен жылдың өзінде полиция қызметкерлеріне пара ұсынған 103 адам анықталған, ал осы жылы осындай 99 факт тіркелді. Пара берушілердің көбісіне пара сомасының 20-дан 30-ға дейін еселенген мөлшерінде айыппұл салынды, ал кейбіреулері бас бостандығынан айырылды.

 

195 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз