• Аймақ тынысы
• 20 Қыркүйек, 2023

Әкесі ауруханада қайтыс болған: Дәрігерлерді ұрып-соққан екі күдікті ұсталды

Алматы облысының полиция қызметкерлері Талғар ауруханасында дәрігерлерді ұрып-соққан екі күдіктіні ұстады, деп хабарлайды Kazgazeta.kz.

Алматы облыстық полиция департаменті мәліметінше, 19 қыркүйек күні сағат 10:35 шамасында Талғар аудандық полиция басқармасының кезекші бөліміне аурухананың 27 жастағы реаниматологы мен 21 жастағы медицина қызметкерін белгісіз біреулер ұрып-соққаны туралы хабар түскен. 

«Бұл дерек ҚР ҚК 106-бабы 2-бөлігі бойынша аудан полициясында тіркелді. Жедел іздестіру шаралары барысында Талғар ауданының полиция қызметкерлері 1987 жылы туған Ш. және 1994 жылғы Н. есімді күдіктілерді анықтап, қолға түсірді. Қазіргі уақытта оқиғаның бүкіл мән-жайын жан-жақты, толық және объективті зерттеу үшін сараптама тағайындалып, тергеу жүріп жатыр», - деді Алматы облысы ПД бастығы Бауыржан Әленов.

Өзге ақпарат ҚР ҚПК 201-бабы аясында жарияланбайды.