• АҚПАРАТ АҒЫНЫ
• 17 Қазан, 2023

Қасым-Жомарт Тоқаев ҚХР Төрағасы атынан ұйымдастырылған ресми қабылдауға барды

Президент Қасым-Жомарт Тоқаев жоғары деңгейдегі «Бір белдеу, бір жол» бастамасының ІІІ форумына қатысатын делегация басшыларының құрметіне орай ҚХР Төрағасы Си Цзиньпиннің атынан ұйымдастырылған ресми қабылдауға келді. Kazgazeta.kz бұл туралы Ақордаға сілтеме жасап хабарлайды.

Сондай-ақ мәлім етілгендей, Мемлекет басшысы жоғары деңгейдегі «Бір белдеу, бір жол»форумының аясында бейресми жағдайда Индонезия Президенті Джоко Видодомен, Пәкістан Премьер-министрінің міндетін атқарушы Анвар-ул-Хак Какармен, Моңғолия Президенті Ухнаагийн Хурэлсухпен, Өзбекстан Президенті Шавкат Мирзиёевпен, Мажарстан Премьер-министрі Виктор Орбанмен, Түрікменстан Халк Маслахатының Төрағасы Гурбангулы Бердімұхамедовпен және БҰҰ Бас хатшысы Антониу Гутерришпен жүздесті.

Әңгімелесу барысында мемлекеттер басшылары аймақтық және халықаралық күн тәртібіндегі өзекті мәселелер жөнінде пікір алмасты. Сонымен қатар өзара ынтымақтастықты дамыту перспективаларын талқылады.Фото: Ақорда