• АҚПАРАТ АҒЫНЫ
• 12 Ақпан, 2024

Табиғаттың тосын мінезі кезінде ерлік көрсеткендер мемлекеттік наградаға ұсынылды

Президент Қасым-Жомарт Тоқаев табиғаттың тосын мінезі кезінде ерлік көрсеткендердің бәріне шын жүректен алғыс айтып, жылы лебізін білдірді. Еңбегі ерен бір топ азамат мемлекеттік наградаға ұсынылды. Бұл туралы Ақорда хабарлады. 

Еске салайық, жуырда еліміздің бірқатар өңірінде табиғат тосын мінез танытып, жағдай қиындаған кезде жергілікті атқарушы биліктің, Төтенше жағдайлар министрлігінің және құқық қорғау органдарының қызметкерлері, медицина мамандары, коммуналдық қызмет пен автомобиль жолдарының жұмысын қамтамасыз ету саласының өкілдері, сондай-ақ басқа да азаматтар халықтың қамы үшін жанқиярлықпен еңбек етті.