Тікелей эфир
Тікелей эфир
МАҢЫЗДЫ
  • Аймақ тынысы
  • 13 Маусым, 2024

Қостанайда виртуалды нөмірлерді сатқан алып-сатар ұсталды

Қостанай полицейлері виртуалды нөмірлерді сатқан алып-сатарды ұстады, – деп хабарлайды Polisia.kz.

Қазіргі уақытта қозғалған іс шеңберінде абоненттік құрылғының сәйкестендіру кодын өзгерту үшін бағдарламаларды заңсыз құру, пайдалану, тарату фактісі тексеріліп жатыр.

Бұл құқық бұзушылық үшін жарты миллион теңгеден астам ірі айыппұл немесе қырық тәулікке дейін қамауға алу көзделген. Cyberpol бөлімшесінің бастығы Олжас Магыпаров оқиғаның мән-жайын айтып берді. 40 жастағы қостанайлық simbox көмегімен абоненттік нөмірлерді қосумен айналысқан.

Бұл құрылғы қаскөйлердің өздерінің қылмыстық схемаларында қолдана алатын SIM-карталарын виртуалды тіркеуге арналған. Оған бір мезетте 64 Sim-картаны қоюға және оларды виртуалды нөмірлерді сататын әртүрлі интернет-сайттарда қосуға болады. Мысалы алынған бокстардың бірінен абоненттік нөмір бойынша сәйкестік анықталды.

Оған алаяқтар WhatsApp-ты тіркеп, өздерін мемлекеттік қызметші ретінде таныстыра отырып, одан әрі адамдарға қоңырау шалған. Қостанайлық тұрғын 300-350 теңгеден Sim-карталарды көтерме бағада сатып алып, олар simbox арқылы іске қосылғаннан кейін бірнеше рет интернетте қайта сатып отырған. Ол абоненттік нөмірлерді сату сайттарының бірінде сатушы ретінде тіркелгені және осы нөмірлерді пайдалану құқығын ақшалай сыйақы үшін әкімшіге бергені анықталды.

Алып-сатардан 9 құрылғы, 3 ноутбук және 1500 Sim-карта тәркіленді. Ведомстводағылар тұрғындарды өздерінің жеке банктік шоттарын, карталарын және ЖК деректемелерін үшінші тұлғаларға сатпауға шақырады. Оларды алаяқтар жеке мақсатта пайдалана алады.

256 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз