Тікелей эфир
Тікелей эфир
МАҢЫЗДЫ
  • Шартарап
  • 05 Шілде, 2024

Қазақстан мен АҚШ конфессияаралық ынтымақтастықты нығайту жобаларын талқылады

Қазақстан мен АҚШ мамандары конфессияаралық ынтымақтастықты нығайту жөніндегі жобаларды талқылады, деп хабарлайды Мәдениет және ақпарат министрлігінің баспасөз қызметі.
Бүгін ҚР Мәдениет және ақпарат министрлігінде Дін істері комитетінің төрағасы Ержан Нүкежанов АҚШ-тың «LYN Community» ҮЕҰ-ның президенті У. Кусакпен және «IRF Secretariat» бас директоры Грег Митчеллмен кездесті.
Кездесу барысында тараптар республикадағы әртүрлі діндер мен конфессиялар өкілдері арасындағы өзара түсіністік пен ынтымақтастықты одан әрі тереңдетуге ықпал ететін жобаларды жүзеге асыру мәселелерін талқылады.
Америкалық тарап Комитеттің діни бостандық және конфессияаралық диалог орнату мәселелерін талқылау бойынша іс-шараларды өткізуге көмек көрсетіп жатқанына алғысын білдірді.
Кездесу соңында Ержан Нүкежанов Комитет конфессияаралық келісім мен діни сенім бостандығы саласын дамытуға ерекше көңіл бөлетінін атап өтті. Сонымен қатар екі тарап арасында  жемісті ынтымақтастық орнап, өзара түсіністікте жұмыс жасайтынына сенім білдірді.

602 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз