• Құмсағат
• 08 Шілде, 2024

Виктор Друзин әртістік жүзуден күміс жүлде иеленді

Венгрия астанасы Будапештте өтіп жатқан әртістік жүзуден әлем кубогінің финалында тағы бір қазақстандық спортшы жеңіс тұғырына көтерілді, деп хабарлайды Olympic.kz. 

Еркін бағдарлама бойынша жекелей сында өнер көрсеткен Виктор Друзин күміс жүлдегер атанды. 

Бұған дейін Эдуард Ким мен  Наргиза Болатова жұбы да күмісті қанағат тұтқан болатын. 

Сондай-ақ, акробатикалық бағдарлама бойынша Қазақстан әйелдер құрамасы қола медаль иеленді.