Тікелей эфир
Тікелей эфир
МАҢЫЗДЫ
  • Шартарап
  • 10 Шілде, 2024

ДДҰ еуропалық өңірдегі қоғамдық денсаулық сақтау көшбасшылары елордада жиналды

Астанада Дүниежүзілік денсаулық сақтау ұйымының (ДДҰ) Еуропалық бюросының денсаулық сақтау ұйымындағы табысты басқару дағдылары бойынша курстары басталды. Іс-шараға Армения, Беларусь, Қазақстан, Қырғызстан, Ресей Федерациясы, Тәжікстан, Түрікменстан және Өзбекстанды қоса алғанда, ДДҰ Еуропалық өңірінің сегіз елінен қоғамдық денсаулық сақтау мамандары қатысады. Курстар 12 шілдеге дейін жалғасады және денсаулық сақтау саласындағы мамандардың көшбасшылық әлеуетін нығайтуға бағытталған.

ДДҰ-ның 2020-2025 жылдарға арналған еуропалық жұмыс бағдарламасы шеңберінде қоғамдық денсаулық сақтау саласындағы мамандардың тәжірибе алмасуын және көшбасшылық әлеуетін нығайтуды қолдайтын оқу курсы әзірленді. Бұл еуропалық елдердің, соның ішінде Орталық Азия мен ТМД-ның қарулы қақтығыстар, халықтың қозғалысы, климаттың өзгеруі, шамадан тыс урбанизация, энергетикалық дағдарыс, әлеуметтік-экономикалық теңсіздік, жалған ақпарат тарату, медицина қызметкерлерінің физикалық және психикалық шаршауы сияқты көптеген дағдарыстарын шешу үшін қажет,. Сонымен қатар, жаңа аурулардың пайда болуы және белгілі инфекциялық аурулардың қайта пайда болуы, сондай-ақ олардың таралу үрдісі алаңдаушылық туғызады.

«COVID-19 пандемиясы халықаралық ынтымақтастық пен қоғамдық денсаулық сақтау саласындағы білікті мамандарды даярлаудың маңыздылығын айқын көрсетті. Бұл курсқа қатысу - бұл үздік әлемдік практикалар туралы біліп қана қоймай, сонымен қатар саясатты әзірлеудің практикалық дағдыларын дамыту, сондай-ақ халықаралық деңгейде жас қоғамдық денсаулық сақтау мамандарының инновациялық желісін құруға ықпал ету мүмкіндігі», - деді Денсаулық сақтау вице-министрі Ербол Оспанов курстарға қатысушыларға.

«Соңғы онжылдықтарда әлем көптеген қиындықтарға тап болды, бұл әркім үшін гүлденген және сау болашаққа жету жолындағы сөзсіз болып көрінетін прогреске нұқсан келтірді. Денсаулықтың экологиялық тұрақтылықпен және әлеуметтік өзгерістермен байланысы нәтижесінде денсаулық сақтау саласындағы тиімді көшбасшылықтың маңыздылығы артады. Курс барысында бірнеше маңызды тақырыптар, соның ішінде жаһандық және өңірлік деңгейлердегі қоғамдық денсаулық сақтау мәселелері, олардың себептері мен шешімдері, сондай-ақ ведомствоаралық ынтымақтастық жолдары қозғалады»,-деп атап өтті ДДҰ-ның Қазақстандағы өкілі доктор Скендер Сыла.

Астанадағы курстар бағдарламасы басқару және стратегиялық жоспарлау дағдыларын дамытуға бағытталған қатысушылар арасында қарқынды оқыту мен тәжірибе алмасуды қамтиды, бұл қазіргі жағдайда қоғамдық денсаулық сақтау алдында тұрған сын-қатерлерге тиімді жауап беруге мүмкіндік береді.

344 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз