• Безбен
• 11 Шілде, 2024

Мәжіліс депутаты Шымкентте мәдениет үйлерінің құрылысын аралады

Мәжіліс депутаты Қазыбек Исаның Оңтүстік өңіріне іс-сапары жалғасуда, деп хабарлайды Мәжілістің баспасөз қызметі.

Ол Шымкент қаласы «Көкбұлақ» елдімекенінде орналасқан мәдениет үйінің құрылыс барысымен танысты. 
Мердігер компания басшылығы депутатқа құрылыс жұмыстары  биыл тамыз айында  аяқталатынын айтып, уәде  берді.
Сондай-ақ депутат Игілік елдімекенінде орналасқан мәдениет үйінде жергілікті тұрғындармен кездесті. Қазыбек Иса Мәжіліс мінберінде көтеріліп жүрген мәселелерге кеңінен тоқталды. Тұрғындар № 82 мектептің ғимараты  ескі әрі осы күнге дейін балалар 3 ауысымда оқитыны жөнінде мәселе көтерді. Бұдан бөлек Қызылжар елдімекенінде көшелерге асфальт төсеу, жаяу жүргіншілерге тротуар салу, қанғыбас иттер, Бадам  өзенінен су шығару, көпқабатты үйлердің  қасбетін жөндеу жайлары да сөз болды. Қазыбек Иса бұл мәселелерді шешу бойынша тұрғындарға түсіндіру жұмыстарын жүргізіп, бақылауға алатынын айтты.

Фото: t.me/mazhilis_kz