• Құмсағат
• 11 Шілде, 2024

Қазақстан Паралимпиада ойындарының 21-ші лицензиясына ие болды

Халықаралық Паралимпиада комитетінің үш жақты бипарт комиссиясының шешімімен қазақстандық пара спортшы Севда Алиева Париж-2024 Паралимпиада ойындарының пара оқ атудан лицензия иегері атанды. Севда 10 метрлік P2 пневматикалық тапаншамен ату дисциплинасында өнер көрсетеді.

Бұл пара оқ атудан еліміздің екінші лицензиясы. Қазір Қазақстанның Паралимпиада ойындарында спорттың 8 түрінен 21 лицензия бар.

XVII жазғы Париж-2024 Паралимпиада ойындары 28 тамыз бен 8 қыркүйек аралығында өтеді. Жарыста 23 спорт түрінен 549 медаль жиынтығы ойнатылады.

Фото: qazaqstantv