• АҚПАРАТ АҒЫНЫ
• 22 Шілде, 2024

Ақсуат ауданында шегірткеге қарсы ауқымды химиялық өңдеу жүргізілді

Ақсуат ауданына қарасты Ойшілік, Құмкөл және Екпін ауылдық округтерінде 6900 га жерге шегірткеге қарсы химиялық өңдеу жүргізілді. Бұл туралы Абай облысының әкімдігі хабарлады.

Аталған ауылдарда шілде айында жүргізілген жұмыстар үшін қосымша екі арнайы техника жұмылдырылып, аудан көлемінде «SATTI TULIK» ЖШС және «Бағжан» ЖК көмегімен алты арнайы техника жұмыс істеді.

Бұдан бөлек, 1560 га аумақты өңдеу жоспарланған. Ал, Қызылкесік ауылдық округінің Үштөбе елді мекеніндегі 1260 га жайылымдық жері де өңделді.

Фото: дереккөзден алынды