• Құмсағат
• 29 Шілде, 2024

Ескекші Владислав Яковлев Е тобының финалына шықты

Франция астанасында өтіп жатқан Олимпиадада академиялық ескек есуден қазақстандық спортшы Владислав Яковлев E/F1 тобының жартылай финалында мәреге бірінші жетті.

Ол жарыс жолын 7 минут, 26.20 секундта бағындырып, Е тобының финалында сынға түсуге мүмкіндік алды.

Айта кетейік, бұл кезеңге қатысатын ескек есу шеберлері жүлдеге таласпайды. Е және F тобында ширек және жартылай финалға шыға алмаған спортшылар ішінде орын үлестіріледі.

Естеріңізге сала кетейік, Париж қаласында алауы тұтанған XXXIII жазғы Олимп ойындарында жалпы 32 спорт түрінен 329 медаль жиынтығы сарапқа салынады.

Қазақстан спортшылары төрт жылдық додада спорттың 25 түрінен 92 жолдама жеңіп алған болатын.

Қазірше Қазақстан қоржынында 1 алтын, 2 қола медаль бар.

Олимпиада ойындары 11 тамызда мәреге жетеді.