• Безбен
• 06 Тамыз, 2024

Жезқазғанда Айдос кен орнының су құбырын қайта жаңарту жұмыстары жүргізіледі

«Мемсараптама» РМК «Ұлытау облысы, Жезқазған қ. Айдос кен орнының жерасты суларының су жинау құрылыстарын қайта жаңарту" жобасы бойынша оң қорытынды берді. 

Жобалауға берілген тапсырмаға сәйкес 5 ұңғыманы күрделі жөндеу, жаңа ұңғымаларды, құрама су құбырын салу, сондай-ақ ӘЖ-35кВ электрмен жабдықтау желілерін қосу көзделген. Су құбырының ұзындығы 19 км болады.

Айдос жер асты суларының кен орны Жезқазған қ. сумен қамтамасыз етуге арналған. Тозған су құбыры 1967-1985 жылдары салынған. Қолданыстағы құрылымдар қазіргі заманауи нормаларға сәйкес келмейді.

Нысан құрылысына тапсырыс беруші «Жезқазған қаласының тұрғын үй-коммуналдық шаруашылық бөлімі» ММ болып табылады, жобаны «Қазстройпроект 2010» ЖШС әзірлеген.