• Айна
• 07 Тамыз, 2024

Әскери қызметшілерге арналған білім беру гранттары мен жеңілдіктерін енгізу

2024 жылдың мамырында мерзімді әскери қызметтің тартымдылығы мен беделін арттыруға бағытталған заң қабылданды. Заң жауынгерлік және мемлекеттік-құқықтық дайындықта жоғары нәтижелерге қол жеткізген әскери қызметшілерге арналған білім беру гранттарын бөлуге квота белгілейді.

ЖОО-дағы оқудың бірінші жылында жатақханада тұруға басым құқық беру қосымша артықшылық болмақ.

Сондай-ақ әскерге шақырылушыларға арналған «кредиттік каникулдар» жүйесі енгізілді, бұл қызмет өтеу мерзімінде несие төлемдерін уақытша тоқтата тұруға мүмкіндік береді.

Сонымен қатар жастарды әскери комиссариаттарға бармай-ақ өз учаскелеріне тіркеу процесі автоматтандырылған, бұл уақыт пен қаржыны айтарлықтай үнемдейді. Мұндай автоматтандыру жыл сайын тасымалдауға, медициналық қызмет көрсетуге және тіркеу куәлігіне 1 млрд теңгеден астам үнемдеуге мүмкіндік береді деп күтілуде.