• Құмсағат
• 07 Тамыз, 2024

Алматыға нысана көздеуден және спорттық гимнастикадан Қазақстан құрамасы келді

Алматыға нысана көздеуден және спорттық гимнастикадан Қазақстан құрамасы келді. Оның құрамында Олимпиаданың күміс және қола жүлдегерлері Александра Ле, Ислам Сәтбаев және Константин Малиновский, Арина Алтухова, Нариман Құрбанов, Карими Милад бар.

Еске салайық, Париж Олимпиадасының алғашқы күні қос спортшымыз пневматикалық мылтықпен нысана көздеуден командалық сында қола медаль жеңіп алды. Бұл тарихи жетістік. Өйткені аталған спорт түрінен спортшыларымыз Олимпиада ойындарында 1996 жылдан бері медаль алмаған еді. Айта кету керек, нысана көздеу бойынша Париждегі байрақты бәсекеге әлемнің 82 елінен спортшылар қатысып, соның 19-ы ғана жүлде алды.

Сондай-ақ, елге спорттық гимнастикадан Қазақстан қоржынына Олимпиаданың тарихи медалін салған Нариман Құрбанов та келіп жетті. Нариман Құрбанов Париж Олимпиадасында спорттық гимнастиканың ат снарядындағы жаттығуда күміс жүлдеге қол жеткізген болатын.

Суреттерді түсірген - Досжан Балабекұлы