• Айна
• 10 Тамыз, 2024

Бүгін Абай Құнанбайұлының туған күні

Бүгін ұлы ақын, философ, ағартушы, композитор Абай Құнанбайұлының туған күні.
2020 жылдан бері елімізде 10 тамыз - Ұлы ақынның құрметіне мерекелік дата ретінде аталып өтеді.

Ғылыми ортада қазақтан шыққан ұлы ойшылдың туған күні туралы екі түрлі нұсқа тараса да, жылдар бойы 10 тамыз ресми түрде Абай Құнанбайұлының туған күні ретінде таңбаланып келді. Абайдың 175 жылдық мерейтойы қарсаңында бүгінгі айтулы күн күнтізбеге Абай күні ретінде ресми бекітілген.

«Қазақстан Республикасындағы мерекелік күндердің тізбесін бекіту туралы» Қазақстан Республикасы Үкіметінің 2017 жылғы 31 қазандағы №689 қаулысына толықтыру енгізу туралы «Қазақстан Республикасындағы мерекелер туралы» 2001 жылғы 13 желтоқсандағы Қазақстан Республикасы Заңының 4-бабына сәйкес Қазақстан Республикасының Үкіметі ҚАУЛЫ ЕТЕДІ:

1. «Қазақстан Республикасындағы мерекелік күндердің тізбесін бекіту туралы» Қазақстан Республикасы Үкіметінің 2017 жылғы 31 қазандағы № 689 қаулысына (Қазақстан Республикасының ПҮАЖ-ы, 2017 ж., № 53, 343-құжат) мынадай толықтыру енгізілсін: көрсетілген қаулымен бекітілген Қазақстан Республикасындағы мерекелік күндердің тізбесі: мынадай мазмұндағы 22-1-тармақпен толықтырылсын: «22-1. Абай күні – 10 тамыз». 2. Осы қаулы алғашқы ресми жарияланған күнінен кейін қолданысқа енгізіледі», делінген Үкімет қаулысында.