• Фотогалерея
• 14 Қыркүйек, 2024

Алматыда «Kitap Fest» фестивалі өтіп жатыр

Алматыда қала күніне орай «Kitap Fest» фестивалі өтіп жатыр, - деп хабарлайды kazgazeta.kz тілшісі.

Екі күнге созылған шара биыл 10-шы рет ұйымдастырылып отыр. Осы уақыт ішінде фестивальге 70-тен аса баспа мен кітап дүкендері қатысып, белгілі қазақстандық авторлардың 500-ге жуық кітабы таныстырылған.

Фестиваль аясында кітап әлемінің жанкүйерлерін үлкен мәдени бағдарлама, жаңа кітаптардың тұсаукесері, авторлармен кездесулер, кітап алмасу, көрмелер және қызықты шеберлік сағаттары қуантып жатыр.

Оқырмандар жәрмеңкеде туынды авторларымен кездесіп, пікір алмасып, шеберлік сыныптарына қатысты. Сондай-ақ, келушілер түрлі байқауларға қатысып, өлең оқыса, танымдық бағдарламалар балалардың ерекше есінде қалды. Шара аясында өткізілген «Ауылға кітап» дәстүрлі акциясына келушілер, кітап өткізіп, ауылдағы кітапхана қорының молаюуына өз үлестерін қосты.

Суреттерді түсірген-Досжан Балабекұлы