• Фотогалерея
• 15 Қыркүйек, 2024

Apple Fest-2024: 1 700 литр алма компоты қайнатылды

Алматыда қала күніне арналған шаралар жалғасып жатыр, - деп хабарлайды kazgazeta.kz тілшісі.

Apple Fest-2024 ерекше әрі ауқымды мәдени бағдарламасымен және бірегей жетістіктерімен таң қалдыруда. Фестиваль тарихында алғаш рет 1 700 литр алма компоты қайнатылды, бұл іс-шара Гиннестің рекордтар кітабына енуге ниеттеніп отыр. Компотты сатудан түскен қаражат қала саябақтары үшін құс үйлерін, қоректендіргіштерді және көшеттерді сатып алуға бағытталады. Фестивальге 50 жергілікті фермер 130 тоннадан астам алма, оның ішінде әйгілі «апорт» сортын әкелді.

Мерекеге арналған Шапито циркі саябақ аумағында орнатылды, онда «Курьез» клоун квартеті, эквилибрлер, акробаттар, арқанмен жүрушілер және үйретілген жануарлар өнер көрсетіп жатыр. Цирк қойылымдарына билеттерді 3 000-4 000 теңге аралығында саябақ кассасынан немесе онлайн сатып алуға болады. Шапито циркі 25 қыркүйекке дейін жұмыс істейді, ал фестиваль шеңберіндегі концерттер мен басқа іс-шараларға тегін қатысуға болады.

Суреттерді түсірген - Досжан Балабекұлы