• Айна
• 01 Қазан, 2024

Алматыда жыл сайынғы субұрқақтар маусымы аяқталды

Алматыда 1 қазаннан бастап қалалық субұрқақтардың жұмыс маусымы аяқталды. Суық ауа райының басталуына байланысты қызмет көрсететін компанияның мамандары күзгі-қысқы кезеңде субұрқақ жабдықтарын сақтау процесіне кірісті.

Консервациялау жұмыстары екі кезеңде жүргізіледі. Бірінші кезеңде субұрқақтардан су ағызылады, құбыр жүйелері үрленеді, субұрқақтардың тостағандары мұқият тазаланады. Бұдан әрі оны тексеру және жөндеу-қалпына келтіру жұмыстарын жүргізу үшін жабдықты бөлшектеу, оның ішінде істен шыққан агрегаттарды ауыстыру жүргізіледі. Бұл іс-шаралар дәстүрлі түрде мамыр айының басында басталатын жаңа маусымға субұрқақтарды дайындауға бағытталған.