• Безбен
• 02 Қазан, 2024

Қазақстанда жанармай станцияларының саны өсті

2023 жылы Қазақстанда 3,3 мыңнан астам жанармай құю станциялары жұмыс істеді, бұл 2022 жылмен салыстырғанда 5,9% артық (3,1 мың бірлік), деп хабарлайды Ұлттық статистика бюросы.

 Станциялардың ең көп саны Түркістан (273), Ақмола (262), Жамбыл (253) облыстарында орналасқан.
Сондай-ақ бір жыл ішінде газ құю станцияларының саны 17,8% өскен – 2,2 мыңнан 2,6 мың бірлікке дейін. Газ құю станцияларының саны бойынша да Түркістан облысы көш бастап тұр – 289 бірлік, одан кейін Маңғыстау (236 бірлік), Қызылорда (226 бірлік) және Жамбыл (226 бірлік) облыстары.
Айта кетейік, өңірлер бөлінісінде бензинмен және газбен жүретін көліктердің ең көп саны Алматы қаласында, тиісінше 548 мың және 3 мың бірлік. Сондай-ақ аралас отынмен жүретін автомобильдер санатын атап өтуге болады, өңірлер арасында олардың ең көп саны Маңғыстау облысында тіркелген – 90 мың (аралас отынмен жүретін автомобильдер санының 22%).