• Айна
• 04 Қараша, 2024

Талғарда Хасан Қасымбаев ұсталды

Алматы облысының полиция департаменті Хасан Қасымбаевтың ұсталғанын растады, деп хабарлайды Kazgazeta.kz.
«2024 жылғы 2 қарашада Қ. атты азамат адамның денсаулығына қасақана ауыр зиян келтірді және ұрлады деген күдікке ілініп, уақытша ұстау изоляторына қамалды. Ол бұл әрекетті 2021 жылғы маусымда жасаған» - деп жазылған Алматы облысы ПД таратқан хабарламада.

Қазір қылмысты жан-жақты, толық және объективті зерттеу үшін тергеу әрекеті кешенді жүргізіліп жатыр.

Айта кетсек, Талғардағы Шерзат Полаттың қазасынан кейін әлеуметтік желіде Хасан Қасымбаевтың есімі тарала бастаған еді. Ол «Хутор» қылмыстық тобының жетекшісі  деген ақпарат та айтылды. Алайда полиция Талғарда қандай да бір ұйымдасқан қылмыстық топтың бар екенін жоққа шығарды.