• АҚПАРАТ АҒЫНЫ
• 10 Қараша, 2024

Қолайсыз күн райына байланысты екі облыста көлік қозғалысына шектеу қойылды

Күн райының күрт бұзылуына байланысты Шығыс Қазақстан мен Абай облыстарында көлік қозғалысына шектеу қойылды. Бұл туралы «ҚазАвтоЖол» ҰК баспасөз қызметіне сілтеме жасап kazgazeta.kz хабарлайды. 

2024 жылғы 10 қарашада сағат 16:30–да Абай облысында күн райының бұзылуына байланысты «Алматы-Өскемен» автожолының 683-967 шақырым аралығында (Таскескен ауылының шекарасынан Қалбатау ауылына дейін) жүк және жолаушы көліктердің қозғалысына шектеу қойылады. Жолды 2024 жылғы 11 қараша сағат 06:00–де ашу жоспарланған.

2024 жылғы 10 қарашада сағат 17:00–де ШҚО-да күн райының бұзылуына байланысты келесі автожолдарда жүк және жолаушы көліктердің қозғалысына шектеу қойылады:

— «Алматы-Өскемен-Шемонаиха-РФ шекарасы» автожолының 1123-1191 шақырымы аралығы (Предгорное ауылынан Шемонаиха қаласына дейін);

— «Алматы-Өскемен-Шемонаиха-РФ шекарасы» автожолының 1194-1212 шақырымы аралығы (Шемонаиха қаласынан РФ шекарасына дейін); 

— «Өскемен-Риддер- РФ шекарасы» автожолының 15-105 шақырымы аралығы (Белоусовка ауылынан Риддер қаласына дейін).

Жолды 2024 жылғы 11 қараша сағат 06:00-де ашу жоспарланған.

Фото: ашық дереккөз