• Безбен
• 11 Қараша, 2024

Елдегі интернет-пайдаланушылардың үлесі 93%-ға жетеді - Үкімет

Цифрландыру және ақпараттық технологиялар күніне орай Қазақстанның осы саладағы негізгі жетістіктері туралы Үкіметтің баспасөз қызметі мәлімдеді.

БҰҰ дерегі бойынша, 2024 жылы Қазақстан әлемнің 193 елінің ішінде телекоммуникация инфрақұрылымы индексінде 42-ші орынды иеленді. Елдегі интернет-пайдаланушылардың үлесі 93%-ға жетеді.

БҰҰ Халықаралық электр байланысы одағының Жаһандық киберқауіпсіздік индексіне сәйкес, биыл пайдаланушылардың дербес деректерін қорғау деңгейі бойынша Қазақстан ТМД елдері арасында бірінші болды.

Соңғы 10 жылда мемлекеттік қызметтер саны 2 еседен астам өсті. 2024 жылдың бірінші жартыжылдығында арнайы қосымшалар мен сервистер арқылы пайдаланушыларға 33 млн қызмет көрсетілді. Тек осы жылдың қазан айында QR-кодтар арқылы 8 млн қол қойылды, ал Digital ID жүйесі арқылы 18 млн сәйкестендіру жүргізілді.

Өзге де цифрлық жетістіктер туралы толығырақ біздің бейнероликте.