• АҚПАРАТ АҒЫНЫ
• 11 Қараша, 2024

Талғарда көпқабатты үйден өрт шығып, 18 адам эвакуацияланды

Талғар қаласында көпқабатты тұрғын үйдің 4 қабатында орналасқан пәтерде өрт шықты. Бұл туралы Төтенше жағдайлар министрлігінің баспасөз қызметіне сілтеме жасап kazgazeta.kz хабарлайды.

Талғарда көпқабатты тұрғын үйдің төртінші қабатындағы пәтерде 8 шаршы метр алаңда жиһаз және үй заттары өртеніп кеткен.

«Өрт сөндірушілер 18 адамды эвакуациялады, оның ішінде 8 бала бар. Зардап шеккендер жоқ. Өрттің шығу себебі анықталып жатыр», - деп хабарлады Төтенше жағдайлар министрлігінің баспасөз қызметі.

ТЖМ азаматтарды өрт қауіпсіздігі ережелерін сақтауды сұрайды.

Фото: gov.kz