• АҚПАРАТ АҒЫНЫ
• 11 Қараша, 2024

Аулаларды жаңа стандарттар бойынша көріктендіру

Алматыда «Халық қатысатын бюджет» бағдарламасы аясында аулаларды абаттандыру жалғасуда.

Алматы әкімі Ерболат Досаев жұмыс сапары кезінде Әуезов ауданындағы күрделі жөндеуден өткен ауланың біріне барып қайтты. Жөндеу жұмыстары «АлматыБасЖоспар» ҒЗИ әзірлеген жаңа стандарттар негізінде ыңғайлылық пен қауіпсіздік талаптарын ескере отырып орындалды.

Жаңартылған аулада балалар және спорт алаңдары, жарықтандыру, бейнебақылау камералары, футбол алаңы және автоматты суару жүйесі бар жасыл аймақ пайда болды. Жергілікті тұрғындар жобаға белсене атсалысып, ауланы қолайлы етуге қатысты өз ойын айтты.

Ерболат Досаевтың айтуынша, халық тығыз орналасқан және көпқабатты үйлердің көптігін ескере отырып, аулаларды абаттандыру – басты міндеттің бірі.

Фото: almaty-akimdigi