• Аймақ тынысы
• 03 Желтоқсан, 2024

Ақтөбе облысында 87 жұмысшыға 8,5 млн теңгеден астам жалақы төленбеген

Ақтөбе облысы Темір ауданы прокуратурасымен «Шұбарқұдық жылу» КМК-да 87 жұмысшыларға 8,5 млн теңгеден астам жалақы төленбегенін анықтады, деп хабарлайды Ақтөбе облысы прокуратурасының баспасөз қызметі.

Прокуратураның қадағалау актісімен еңбек инспекциясы «Шұбарқұдық жылу» КМК-ын ҚР ӘҚБтК-нің 87-бабы бойынша әкімшілік жауапкершілікке тартып, берешекті міндетті түрде өтеу туралы ұйғарым шығарды.

Нәтижесінде көрсетілген берешектер толығымен өтелді.

Азаматтардың конституциялық және еңбек құқықтарын қорғау, Ақтөбе облысы прокуратурасының бақылауында.