• Құмсағат
• 27 Қаңтар, 2025

Станислав Черчесов Қазақстан құрамасынан кетті

Еңбек шарты екі жақтың өзара келісімі бойынша тоқтатылды, деп хабарлайды kazgazeta.kz ҚФФ-ның баспасөз қызметіне сілтеме жасап.

Станислав Черчесов Қазақстан құрамасының тізгінін 2024 жылдың маусымында ұстады. Оның жетекшілігімен ұлттық құрама УЕФА Ұлттар лигасында 6 матч өткізіп, Норвегия құрамасымен тең ойнап, 1 ұпай жинады.

Сондай-ақ Қазақстан құрамасынан жаттықтырушылар штабы толық құраммен кетті.

- Қазақстан футбол федерациясы Станислав Саламұлы мен оның штабына атқарған жұмысы үшін алғыс айтып, мансабына табыс тілейді! Футболдан ұлттық құраманың бас бапкері қызметіне үміткерлер тізімі қарастырылып жатыр, - делінген хабарламада.