• Аймақ тынысы
• 27 Қаңтар, 2025

Ақтөбеде ер адам ұрыларға туысының пәтерін тонауға көмектескен

Ақтөбеде ер адам ұрыларға туысының пәтерінен ақша жымқыруға көмектескен, деп хабарлайды Polisia.kz
Қаңтар айының басында Ақтөбедегі пәтерден ірі көлемде ақша ұрланды. Күдіктілер пәтерге пластикалық терезе арқылы кіріп, 10 млн теңгені қолды қылған.
Жедел іс-шаралар барысында полиция қызметкерлері төрт күдіктіні анықтап, ұстады. Тергеп-тексеру барысында ұрыларға жәбірленушінің туысы көмек көрсеткені анықталды. Ол күдіктілерге туысының пәтерінде қолма қол ақша бар екенін айтқан. Ұрланған ақшаны күдіктілер өз қажеттіліктеріне жұмсаған, несиелерін төлеп, ойын-сауық орындарына барған.
Ұсталғандардың барлығы уақытша ұстау изоляторына қамалды. Сотқа дейінгі тергеп-тексеру жүргізіліп жатыр.