• Аймақ тынысы
• 27 Қаңтар, 2025

Ақтауда көпқабатты тұрғын үйден өрт шықты

Ақтау қаласындағы 17 шағын ауданында көп қабатты тұрғын үйдің оныншы қабаттағы пәтердің балконында тұрмыстық заттар өртеніп, өрт пәтерге тез ауысты, деп хабарлайды ТЖМ баспасөз қызметі.
Өрт сөндіру бөлімшелері келгенге дейін 47 адам, оның ішінде 16 бала өз бетінше далаға шыққан.
Өрт сөндірушілердің үйлесімді және кәсіби сауатты әрекеттерінің арқасында өрттің тұрғын үйге таралуына жол берілмеді. Оқиға орнында ҚР ТЖМ АМО дәрігерлері көмек көрсетті.
Өрті жедел түрде 40 ш.м. алаңда толығымен сөндірді. Зардап шеккендер жоқ.