• Шартарап
• 24 Ақпан, 2025

Трамп әкімшілігі USAID-тің 2000 қызметкерін жұмыстан шығарды

The New York Times алған электрондық хаттың көшірмесіне сәйкес, Трамп әкімшілігі жексенбі күні АҚШ халықаралық даму агенттігінің (USAID) 2000 қызметкерін жұмыстан шығарып, мыңға жуық қызметкерін ақысыз демалысқа жіберген. Тек «аса маңызды бағдарламаларда» жұмыс істейтін адамдар мен «негізгі басшылық» және «арнайы әзірленген бағдарламалармен» айналысатын қызметкерлер ғана қалған, деп хабарлайды kazgazeta.kz.

Бұл қадамдар жұма күні сот Трамп әкімшілігі агенттіктің көптеген қызметкерлерін жұмыстан шығарып немесе ақылы демалысқа жіберуге және шетелдегі операцияларды тоқтатата алады деп шешім қабылдағаннан кейін жасалды.

«2025 жылдың 23 ақпаны, жексенбі күні сағат 23:59-дан бастап USAID қызметкерлеріне жіберілген хабарламаларға сәйкес, маңызды функцияларға жауапты тағайындалған қызметкерлерді қоспағанда, барлық тікелей жұмыс істейтін USAID қызметкерлері бүкіл әлем бойынша әкімшілік демалысқа жіберіледі», деп хабарлайды NBC News.

Агенттік АҚШ-тағы жұмыс күшін шамамен 2000 адамға қысқартатынын айтты.

Президент Дональд Трамп пен оның бас экономисті Илон Масктың пікірінше, агенттіктің көмек көрсету және дамыту жұмыстары ысырапшыл және либералды күн тәртібін алға жылжытады деп санайды.

Еске сала кетсек, Қазақстанда USAID кеңсесін жабуды талап еткен петиция басталды.