• Айна
• 18 Наурыз, 2025

Қазақстанның құрылыс индустриясы рекордтық өсу қарқынын көрсетті

Қазақстан Республикасының құрылыс индустриясы рекордтық өсу қарқынын көрсетіп отыр.

Тұрғын үйді пайдалануға беру көлемі 2024 жылы 2018 жылмен салыстырғанда 6,4 млн м2 артты. Бұл туралы Қазақстан Республикасының Премьер-Министрі Олжас Бектеновтың Қасым-Жомарт Тоқаевтың президенттік қызметінің алты жылдығының қорытындысына арналған «Ілгерілеуге бастаған алты жыл: Қазақстан орнықты даму жолында» атты мақаласында айтылған. 

«2024 жылы тұрғын үйді пайдалануға беру көлемі 2018 жылмен салыстырғанда 6,4 миллион шаршы метрге немесе 51,4 пайызға артып, 19 миллионға жетті. 2019-2024 жылдар аралығында барлығы 97,8 млн шаршы метр тұрғын үй пайдалануға берілді. Бұл ондаған мың қазақстандық отбасына жылжымайтын мүлік сатып алуға және өмір сүру деңгейін жақсартуға мүмкіндік берді», - делінген мақалада.