• Айна
• 06 Мамыр, 2025

Алматыда заманауи «Қазақстан» медиаорталығы салынып жатыр

Алматыда заманауи «Қазақстан» медиаорталығы салынып жатыр, деп хабарлайды Алматы қаласы әкімдігінің баспасөз қызметі.
Алматыда «Қазақстан» РТРК» АҚ-ның жаңа медиаорталығының құрылысы жалғасып жатыр. Нысанның 93%-ы қалалық бюджет есебінен қаржыландырылған. 

Құрылыстың аяқталу деңгейі – 60%. Жобаны жыл соңына дейін аяқтау жоспарланған.

Болашақ медиаорталықта:
- заманауи телестудиялар мен дыбыс жазу павильондары,
- монтаждау залдары,
- форумдар мен конференциялар өткізуге арналған алаңдар,
- озық цифрлық құрал-жабдықтар болады. 

Медиаорталық әлемдік стандарттарға сай жасалады. Мұнда ұлттық деңгейдегі телебағдарламалар, фильмдер мен цифрлық контенттер өндірілмек.