• Шартарап
• 12 Мамыр, 2025

Санкт-Петербургте Кеңес Одағының Батыры Әлия Молдағұлованы еске алды

Ұлы Отан соғысындағы Жеңістің 80 жылдығы қарсаңында Санкт-Петербург қаласының Красногвардейск ауданындағы Кеңес Одағының Батыры Әлия Молдағұлованың ескерткішіне гүл қою рәсімі өтті.

Салтанатты шараға Қазақстан Республикасының Санкт-Петербург қаласындағы Бас консулдығының, Санкт-Петербург қаласының Красногвардейск ауданының әкімшілігінің, Санкт-Петербург қаласының Сыртқы байланыстар комитетінің, Санкт-Петербург заң шығару жиналысының өкілдері, әскери академияның тыңдаушылары, қазақ диаспорасы және Санкт-Петербург қаласындағы №140 мектеп оқушылары қатысты.

Шара соңында салтанатты шараға қатысушылар саябаққа алма ағаштары мен гүлдер отырғызды.