• Айна
• 23 Мамыр, 2025

Алматыда тағы бір заңсыз көлік жуу сүрілді

Алматының Жуков пен Затаевич көшелерінің қиылысында орналасқан заңсыз автожуу орны сүрілді, деп хабарлайды Алматы қаласы әкімдігінің баспасөз қызметі.

Тиісті рұқсатсыз салынғаны үшін иесі әкімшілік жауапкершілікке тартылған.
Қалалық қала құрылысы бақылау басқармасы сотқа талап арыз беріп, нәтижесінде сот нысанды сүру туралы шешім шығарды. Апелляциялық шағымданудан кейін де бұл шешім өзгеріссіз қалды.

Сүру жұмыстары сот орындаушыларының қатысуымен кеше жүргізілді.

Бұл қаладағы заңсыз құрылысқа қарсы кең ауқымды күрестің бір бөлігі. 2023 жылдың басынан бері Алматыда 75 заңсыз нысан, соның ішінде тұрғын үй кешендері мен басқа да құрылыс нысандары толық немесе жартылай бұзылған.